Jeden Sommer hat mein Onkel Hans mit uns Kindern im Wald ein Lagerfeuer gemacht. Wir haben Würstel gegrillt, er hat Gitarre gespielt und mit uns lustige Lieder von früher gesungen. Wenn es dann dunkel war, hat er uns auch Gruselgeschichten aus seiner Kindheit erzählt. Eine war die vom Greinerstegmanderl. Und die ging so:
Es kennts doch alle die kloane Ortschaft Greiner, da wenn ma voh Anschöring nach Petting fahrt.
Wenn ma ungefähr dreihundert Meter weiter geht, kimmt man zum Greinersteg. Der Steg der ist früher benutzt worden, um drüber gehn zu können, dort hat man Holz gemacht oder ist Fischen gegangen.
Genau dort, am Greinersteg, da hat es gehaust: Das Greinerstegmanderl.
Des Greinerstegmandl is ungefähr an hoibn Meter groß, hat an ganz an schwarzen Schnurrbart.
Der Kopf allein is scho fast so groß wie der Rest. Es hat a recht a große Nosn gehabt und so lange Arm, dass sie bis zum Bodn abehengan. Und ganz dicke Pratzn und buschige Augenbrauen hat es.
Am Tag duad des Greinerstgmandl nix.
Aber aufd Nacht, dann kimmts.
Wenn Kinder recht bäs warn. Wenns die Eltern ned gfolgt ham. Wenn die Eltern gsogt ham: Holts Hoiz. Ramts moi zsamm. Und die Kinder hams ned gmacht. Dann is des Greinerstegmanderl in der Nacht kemma.
Die Kinder ham immer gschloffa, wenn des Greinerstegmanderl ins Zimmer einekemma is. Und wisst ihr, wos des Greinerstegmanderl dann gmacht hod?
Des Greinerstegmanderl hod doch so a große Nosn. Und weils unterm Greinersteg so koid is, hod des Greinerstegmanderl andauernd an Schnupfen ghabt.
Weil des Greinerstegmanderl koan Schneizdiache ghabt hod, is eam andauernd die Nosn glaffa. Die ganze Zeit is aus seiner Nosn da Rotz runter tropft.
Wenn bei da Nacht des Greinerstegmanderl bei de bäsn Kinder im Zimmer war, was ist dann passiert?
Des Greinerstegmanderl hod se über die bäsn Kinder drüber beigt und hod eana an Rotz in die Ohrwaschl einetropft.
Aber des war gar ned des gruselige. Des gruselige war, dass der Rotz so koid war, dass er sofort im Ohr eingefrorn is. Sogar im Sommer.
Wenn dann die Kinder aufgewacht san, dann hams gmerkt, dass eana Ohr ganz koid is. Und wenns im Spiagel einegschaut ham, hams gseng, dass eana a riesiger Eiszapfn beim Ohrwaschel ausseschaut. Und weils nix mehr ghört ham.
Und dann hams gwusst, dass des Greinerstegmanderl da gwehn is. Und die Eltern hams dann auch gleich gesehen. Und jeder der des gsehn hat, hod gwusst: Des is da Rotz vom Greinerstegmanderl.
Koana mog an grousn Eiszapfn aus Rotz im Ohr drinstegga hom. Und wenn ma nix mehr hean kon is des a ned schee. Wos hod ma mache miassn, dass der wieder weggeht?
Aber des war gar ned des gruselige. Des gruselige war, dass der Rotz so koid war, dass er sofort im Ohr eingefrorn is. Sogar im Sommer.
Wenn dann die Kinder aufgewacht san, dann hams gmerkt, dass eana Ohr ganz koid is. Und wenns im Spiagel einegschaut ham, hams gseng, dass eana a riesiger Eiszapfn beim Ohrwaschel ausseschaut. Und weils nix mehr ghört ham.
Und dann hams gwusst, dass des Greinerstegmanderl da gwehn is. Und die Eltern hams dann auch gleich gesehen. Und jeder der des gsehn hat, hod gwusst: Des is da Rotz vom Greinerstegmanderl.
Koana mog an grousn Eiszapfn aus Rotz im Ohr drinstegga hom. Und wenn ma nix mehr hean kon is des a ned schee. Wos hod ma mache miassn, dass der wieder weggeht?
Des Kind hod dreimoi ums Haus laffa miassn und si dreimoi in Richtung Kirche verneigen, dann erst ist der Eiszapfen aus Rotz auftaut und ausm Ohr wieder ausse glaffa.
Erst dann hams wieder wos hean kenna.
Alle Kinder, die am Greinersteg im Wald gespielt ham, ham gwusst, dass dort des Greinerstegmanderl lebt.
Und manchmal hamma uns am Steg hinglegt und mit dem Kopf obe gschaut, ob des Manderl no drunter hengt.
Heid gibt’s den Greinersteg scho lang nimma. Des Greinerstegmanderl aber gibt’s immer no. Des versteckt sie jetzt im Schilf. Und geht do umananda und wart, bis wieder irgendwo a Kind bäs worn is, damits in da Nacht ins Ohrwaschel eine Rotzn ko. Des kimmt davo, wenn ma koa Schneizdiache hod.
Kommentar schreiben